AF268: 27v
56 Olub yėrlü yararına riʿāyet
Ṣatılmayaydı tīmār u ziʿāmet
57 Geleydi cümle ḫuddām‑i ekābir
Ḥimāyet ėtmeyeydi kimse bir bir
58 Bu ser‑ḥaddüñ giderdi iḫtilāli
Olurdı ʿaskerüñ mażbūṭ ḥāli
59 Revā‑mı olavuz Tātāra muḥtāc
Ola bizden qavī bir qaç yalıñ ac
60 Ne güne qaldı cünd‑i Āl‑i ʿOs̱mān
Ki öz derdine ėlden uma dermān
61 Vuqūfı olmaġ‑ile mācerāya
Anı ʿarżėtdi ʿAbdī ḫāk‑i pāya
62 Qalur‑mı ādemüñ hīç iḫtiyārı
Ki yazmaya bu ḥāli iżṭirārı
63 Müsülmānlar size qaldı emānet
Umarlar ėdesiz īṣāle himmet
64 Ki maʿlūm ėdinüb şāh‑i cihān‑gīr
Bulardan intiqāma ėdetedbīr
65 Umaram senden ey fettāḥ‑i bī‑çūn
Hemīşe pād‑şāh‑i rubʿ‑i meskūn
66 ʿAdū üstine ʿazmi ėdene ḫū
Gele qarşuya düşmen boynı baġlu
ʿaded 63
hüve
remel: feʿilātün ‑ feʿilātün ‑ feʿilātün ‑ feʿilün
fāʿilātün ‑ feʿilātün ‑ feʿilātün ‑ faʿlün
Hüner oldur kişinüñ qanda añılsa adı
Diyeler vardur anuñ devlete istiʿdādı
Manṣıba arqa ile vāṣıl olan tez yıqılur
Ola‑mı dīvāruñ ikide birüñ olmaz bünyādı
Māli iqbāle vėren bāli belāya degişür
Manṣıbuñ qalmadı ʿālemde efendi dādı
Yā ilāhī beni qul ėtme qapuñdan ġayra
Eyleme qayd teʿalluqda dil‑i āzādı
N’ola erbāb‑ı qalem ʿAbdīye şāgird olsa
Ḥażrete nişānıdur anuñ üstādı